На 2 август, по повод Илинден, во Дом на култура "Кочо Рацин" во Јабука ќе се одржи првиот Илинденски шаховски турнир „MAKMOVE“ во организација на Македонскиот национален совет, Здружението "МакИнфо" и Шаховскиот клуб "Аљехин" од Панчева.

Своите сили ќе ги одмерат учениците од ОУ "Гоце Делчев" кои го изучуваат изборниот предмет Македонски јазик со елементи на национална култура, но и сите заинтересирани млади шахисти. Сите учесници ќе бидат наградени, а најдобрите тројца ќе добијат и пехари како признание за нивната игра, посветеност и дух на фер-плеј - најавуваат организаторите.